बारामा झडप हुँदा रोक्न १३ राउण्ड हवाइ फायर

94

रौतहट १ भदौ।।। ।

बारा जिल्लाको दुई पक्षबीच झडप हुँदा प्रहरीले झडप रोक्न १३ राउण्ड हवाई फायर गरेको छ ।

सिम्रौनगढ नगरपालिका–११ भवानीपुर र आदर्शकोतवाल गाउँपालिका– ६ पटेर्वाका वासिन्‍दाहरूबीच झडप नियन्त्रणमा लिन हवाइ फायर गरेको बाराका प्रहरी प्रवक्ता डीएसपी गौतम मिश्रले जानकारी दिएका छन्।

झडपका क्रममा चार जना प्रहरी र १२ जना सर्वसारधण घाइते भएका छन् । घाइतेको अवस्था सामान्य रहेको छ।

कुलोमा माछा मारेको र डुबानको विषयमा भएको विवादले उग्र रुपले लिँदा झडप भएको डीएसपी मिश्रले बताएका छन्। ‘गाउँ गाउँबीच नै आक्रमण र प्रतिकार शुरु भएछ, घरटहरा समेत भत्काउन शुरु गरेपछि जिल्लाबाट थप टोली गयौं ।

६ सेल अश्रु ग्यास प्रहार गर्दा पनि झडप रोकिएन, १३ राउण्ड हवाई फायर गरेपछि बल्ल स्थिति नियन्त्रणमा आयो’ उनले भने ।

स्थिति सामान्य भएपछि प्रहरी टोली फर्किएको छ ।